La fleur de courtoisie (Valentine) music Radu Palade

La fleur de courtoisie

Valentine, chanson de Radu N Palade

La fleur de courtoisie, videoclip on youtube

Verses: John Lydgate

Voix et accompagnement: Dana Andreea Nigrim

John Lydgate

The Flour of Curtesy (La Fleur de Courtoisie, ballade)

With al my might and in my best entent,

With al the fayth that mighty God of kynde

Me yave, syth he me soule and knowyng sent,

I chese, and to this bonde ever I me bynde,

To love you best, whyle I have lyfe and mynde,

Thus herde I foules, in the dawenyng,

Upon the day of Saynte Valentyne synge.

Yet chese I, at the begynnnyng, in this entent,

To love you, though I no mercy fynde,

And if you lyste I dyed, I wolde assent,

As ever twynne I quicke out of this lynde.

Suffyseth me to sene your fethers ynde :

Thus herde I foules in the morwenynge,

Upon the daye of Saynte Valentyne synge.

And over this, myne hertes luste to bente,

In honour onely of the wodde-bynde,

Holy I yeve, never to repente

In joye or wo, where-so that I wynde

To fore Cupyde, with his eyen blynde.

The foules al, whan Tytan dyd springe,

With devoute hert, me thought I herde synge.

L’envoye

Princesse of beautie, to you I represent

This symple dyte, rude as in makynge,

Of herte and wyl faythful in myn entent,

Lyke as this day foules herde I synge.

 

Music by Radu Palade - Playlist:

https://www.youtube.com/playlist?list=PL2mxGyzyllAD-jyH9qiR2er4PM99KDWQS